Ціханоўская абмеркавала з прэзідэнтам Румыніі паглыбленне супрацы дэмсіл Беларусі з Бухарэстам
Святлана Ціханоўская і прэзідэнт Румыніі Нікушор Дан
29 красавіка, Позірк. Паглыбленне супрацы дэмакратычных сіл Беларусі з Бухарэстам абмеркавала кіраўніца Аб’яднанага пераходнага кабінета Святлана Ціханоўская з прэзідэнтам Румыніі Нікушорам Данам на палях саміту Ініцыятывы трох мораў у Дуброўніку (Харватыя).
Паводле інфармацыі прэс-службы беларускага палітыка, бакі таксама абмеркавалі магчымасць далучэння Румыніі да Міжнароднага гуманітарнага фонду, супрацу з недзяржаўнымі арганізацыямі, перспектывы візіту Ціханоўскай у Бухарэст.
“Таксама падзякавала прэзідэнту за падтрымку Румыніі — разам з Малдовай, Польшчай і ЗША — ва ўчорашнім вызваленні палітычных зняволеных”, — адзначыла дэмлідар.
Ціханоўская наведвала Румынію ў лістападзе 2022 года.
