Колькасць загінулых на пажарах ад пачатку года перавысіла 200

4 сакавіка, Позірк. Ад пачатку 2026 года ў Беларусі адбылося 1.727 пажараў — на 27,8% больш, чым за аналагічны перыяд 2025-га (1.247), сведчаць статыстычныя даныя на сайце Міністэрства па надзвычайных сітуацыях.

За гэты час на пажарах выратавана 144 чалавекі (летась да гэтага дня было 83; рост у 1,7 раза), траўмавана — 162 (68; у 2,4 раза), загінула — 205 (153; у 1,3 раза).

За мінулыя дзяжурныя суткі (з 6:00 3 сакавіка да 6:00 4 сакавіка) ахвярамі агню ў Беларусі сталі тры чалавекі — у Капыльскім, Баранавіцкім і Глыбоцкім раёнах (Мінская, Брэсцкая і Віцебская вобласці адпаведна).