Беларусь заняла чацвёртае месца па росце цэн за 11 месяцаў 2025 года на тэрыторыі былога СССР

17 снежня, Позірк. Беларусь з паказчыкам 6,49% заняла чацвёртае месца ў росце спажывецкіх коштаў за студзень — лістапад 2025 года на тэрыторыі былога СССР, сведчыць праведзены “Позіркам“ аналіз звестак нацыянальных органаў статыстыкі.

Наперадзе Казахстан (11,4%), Кыргызстан (8,3%) і Украіна (7,7%). У першай пяцёрцы таксама Узбекістан (6,4%).

Па росце цэн у лістападзе Беларусь з 0,38% заняла 10-е месца — пасля Кыргызстана (+1,15%), Казахстана (+0,8%), Узбекістана (+0,66%), Арменіі (+0,6%), Расіі (+0,42%), Грузіі, Літвы, Украіны (па +0,4%) і Таджыкістана (+0,37%).

Для параўнання: у Польшчы цэны ў лістападзе павысіліся на 0,1%, з пачатку года — на 2,4%.

Больш падрабязнасцяў даступна падпісчыкам “Позірк+” (калі спасылка не працуе, карыстайцеся, калі ласка, гэтай)