Беларуская асацыяцыя журналістаў паведаміла пра працяглую DDoS-атаку на свой сайт

29 лістапада, Позірк. Пра працяглую DDoS-атаку на свой сайт паведаміла ўвечары 29 лістапада Беларуская асацыяцыя журналістаў (БАЖ).

“Сёння цэлы дзень наш сайт знаходзіцца пад ddos-атакай. Адбіваемся, як можам.

Дзякуй, што вы з намі”, — адзначыла арганізацыя ў сваім тэлеграм-канале.

DDoS-атакай (з англ. Distributed Denial of Service — “размеркаваная адмова ў абслугоўванні”) называецца спосаб наўмыснага парушэння працы рэсурса шляхам яго перагрузкі вялікай колькасцю запытаў.