На тэрыторыі даччынага прадпрыемства “Беларуськалія” агнём пашкоджана два грузавыя аўтамабілі
На месцы здарэння
9 лістапада, Позірк. Два грузавыя аўтамабілі з прычэпамі пашкоджаныя агнём на стаянцы “Калійспецтранса” — даччынага прадпрыемства ААТ”Беларускалій”. Інцыдэнт здарыўся 9 лістапада.
Меркаваная прычына — няспраўнасць перадпускавага вадкаснага награвальніка, паведамляе МНС.
Людзі не пацярпелі.
Першапачаткова МНС перадало, што машыны гараць на тэрыторыі 1-га рудаўпраўлення самога “Беларуськалія”.
