2 кастрычніка, Позірк. За паслядоўную падтрымку дэмакратычнай Беларусі і салідарнасць з беларускім народам падзякавала дэмлідар Святлана Ціханоўская прэзідэнту Францыі Эманюэлю Макрону падчас размовы з ім на палях саміту Еўрапейскай палітычнай супольнасці 2 кастрычніка ў Капенгагене.
“Для нас вельмі каштоўна, што Францыя працягвае стаяць побач у змаганні за свабоду і правы чалавека”, — адзначыла дэмлідар, якую цытуе яе прэс-служба.
Апошні раз Ціханоўская размаўляла з Макронам у траўні.
Таксама палітык правяла сустрэчы з прэм’ер-міністрам Швецыі Ульфам Крыстэрсанам, прэзідэнтам Румыніі Нікушорам Данам, прэм’ер-міністрам Нарвегіі Ёнасам Гарам Стэрэ і прэм’ер-міністрам Балгарыі Росэнам Жалязкавым.
Раней, як паведамляў “Позірк”, Ціханоўская правяла кароткія сустрэчы з прэзідэнтам Украіны Уладзімірам Зяленскім і прэм’ер-міністрам Польшчы Дональдам Тускам.
