КДБ прызнаў “экстрэмісцкім фарміраваннем” Беларускую аналітычную майстэрню

21 траўня, Позірк. Камітэт дзяржаўнай бяспекі 16 траўня прызнаў Беларускую аналітычную майстэрню “экстрэмісцкім фарміраваннем”, вынікае з абноўленага 21 траўня спіса на сайце МУС.

Датычнымі да “фарміравання” названыя Андрэй Вардамацкі, Марына Новікава і Павел Усаў.

Беларуская аналітычная майстэрня (БАМ) — незалежная сацыялагічная і аналітычная ініцыятыва, заснаваная ў 2012 годзе ў Варшаве сацыёлагам Вардамацкім. БАМ займаецца даследаваннямі грамадскай думкі ў Беларусі па пытаннях геапалітычнай арыентацыі, палітычных настрояў і інфармацыйных пераваг.

Вардамацкі эмігрыраваў з Беларусі ў 2010 годзе. Быў кіраўніком прыватнай даследчай лабараторыі аксіяметрычных даследаванняў “НОВАК”. Ён адзін з найбольш аўтарытэтных беларускіх сацыёлагаў. Кандыдат філасофскіх навук (1983), доктар сацыялагічных навук (1992).

У спісе “экстрэмісцкіх фарміраванняў” цяпер 288 пазіцый.