Затрыманы пастар ХВЕ Алег Лойка

24 красавіка, Позірк. Пастар царквы Хрысціян веры евангельскай з Хойніцкага раёна (Гомельская вобласць) Алег Лойка затрыманы па крымінальнай справе, паведаміў праваабарончы цэнтр “Вясна”.

Ён служыць у вёсцы Нябытаў.

Паводле як она менавіта артыкула КК затрыманы 48-гадовы пастар — невядома. Паводле даных праваабаронцаў, у віну Лойку ставяць тое, што ён падзяліўся з кімсьці звесткамі аб перамяшчэнні расійскай ваеннай тэхнікі па Беларусі.

У снежні 2024 года яго арыштоўвалі на 10 сутак за распаўсюд “экстрэмісцкіх матэрыялаў”.

Лойка займаўся рэабілітацыяй нарказалежных людзей у рамках хрысціянскай місіі “Вяртанне”.

З пачатку восені 2020 года па 11 красавіка 2025-га, паводле звестак ініцыятывы “Хрысціянская візія”, з рэпрэсіямі ў Беларусі ў той ці іншай форме сутыкнулася 88 хрысціянскіх служыцеляў, у тым ліку каталіцкага касцёла — 33, грэка-каталіцкай царквы — 5.