15 чалавек пацярпелі падчас пажару ў віцебскім гандлёвым цэнтры “Беларусь” (абноўлена)
Абноўлена паведамленне “Дзесяць чалавек пацярпелі падчас пажару ў віцебскім гандлёвым цэнтры “Беларусь”
13 снежня, Позірк. 15 чалавек пацярпелі падчас пажару ў віцебскім гандлёвым цэнтры “Беларусь” увечары 13 снежня, паведаміла Міністэрства аховы здароўя.
Шпіталізавана 12 чалавек. У Віцебскую абласную лякарню звярнулfся 8 чалавек (шпіталізавана 7), у лякарню хуткай медычнай дапамогі — 5 (4). Дзіцячы абласны клінічны цэнтр надаў дапамогу двум непаўналетнім, адзін з іх быў шпіталізаваны.
Двое шпіталізаваных у абласную лякарню знаходзяцца ў цяжкім стане, яны ў рэанімацыі.
Падчас тушэння пажару пацярпелі два супрацоўнікі МНС. Для правядзення выратавальных прац і ліквідацыі пажару было задзейнічана 21 адзінка тэхнікі і 90 супрацоўнікаў МНС. Паверхня пажару склала 2 тыс. квадратных метраў, паведаміла прэс-служба ведамства.
