Стартап дапаможа IТ-кампанiям навучыцца камунiкаваць на мове
Каманда say.by, якая ўжо тры гады запар «прасоўвае мову» праз свой сэрвiс, ладзiць новы праект «Мова прафесii» па аптымiзацыi камунiкацыi на беларускай мове ў прафесiйнай сферы. dev.by аб гэтым распавёў стваральнiк say.by, кiраўнiк IТ-аддзела адной з мiнскiх кампанiй Аляксандр Шастаковiч.
Аляксандр кажа, што новы праект накiраваны на ўкараненне мовы ў карпаратыўную культуру, каб супрацоўнікі кампаній выдатна разумелі яе, а яшчэ лепш — гаварылi па-беларуску з калегамi. Аляксандр верыць, што айцiшнiкам патрэбная не толькi ангельская мова, але ж i родная.
Акрамя таго, менавіта ў ІТ-шнікаў ёсць магчымасць вандраваць у замежныя краіны, дзе больш за ўсё адчуваецца неабходнасць у самаідэнтыфікацыі. I я не кажу яшчэ пра культуру, якая без беларускай мовы проста немагчыма.
Сервiс яшчэ ў распрацоўцы, але ў каманды ёсць прататып. Працуе ён так: чалавек заходзiць i выконвае заданнi. Па словах Аляксандра, яны не вельмі складаныя і больш арыентаваныя на вывучэнне канкрэтных выразаў у адпаведных сферах дзейнасці.
Усяго тыпаў заданняў з дзесятак:
прачытаць тэкст услых;
апісаць па-беларуску карцінку;
падсвятліць няправільныя словы, калі гук не адпавядае тэксту;
запіс за дыктоўкай фразы або сказу;
паўтарыць сказ i некоторыя iншыя заданнi.
Для атрымання вынiкаў выкарыстоўваюцца тэхналогіі штучнага інтэлекту — нейронавыя сеткі, якія будуць узбагачацца тысячамі гадзінаў беларускіх тэкстаў, начытаных валанцёрамі для ўзору правільнасці вымаўлення.
Тэхналогii, якiя выкарыстоўваюць распрацоўшчыкi — Ionic Framework + Cordova у мабiльным дадатку, DeepSpeech дзеля распазнавання маўлення, а для вебсайту — PHP + Apache + PostgreSQL. Таксама спатрэбяцца вылічыльныя магутнасці — шмат з ix падорыць ActiveCloud. Плануецца, што сэрвiс будзе iнтэграваны з іншымі адукацыйнымі сістэмамі, такімі як ispring.ru праз SCORM (Shareable Content Object Reference Model).
У праекце акрамя say.by ўдзельнiчаюць Цэнтр ведаў CLARIN па апрацоўцы беларускіх тэкстаў і маўлення (K-BLP), Інстытут мовазнаўства імя Якуба Коласа Нацыянальнай акадэміі навук, ActiveCloud і Арт-Сядзіба.
Зараз Аляксандр i яго паплечнiкi вядуць перамовы аб падтрымцы распрацоўкі праекта з рознымi кампаніямі. З айцiшнiкаў далучылiся ActiveCloud, JetBI, яшчэ тры кампанii — на апошнiх этапах узнаднення. Падтрымаць стартап могуць i чытачы dev.by. Калi хто з праграмістаў захоча ўдзельнічаць у распрацоўцы дадатку, ён можа пiсаць камандзе на імэйл [email protected].
Як распрацоўшчык у Польшчы працаваў кур'ерам (але потым усё атрымалася)
@dzikpic, канал для айцішнікаў у Польшчы, расказаў гісторыю Аляксандра. Перад тым, як патрапіць у польскую кампанію, ён два месяцы дастаўляў ежу ў Glovo. Як гэта — ездзіць на ровары па 10-12 гадзін на дзень і чаму манікюршчыца зарабляе больш за распрацоўшчыка.
Айцішнік купіў дом у Польшчы. Як атрымаць дазвол у 2022, калі адмоў большае
@dzikpic, канал для ІТ-экспатаў у Польшчы, расказвае гісторыю беларускага айцішніка, які купіў дом у Гданьску, з каментарамі эксперта. Абмеркаваць гісторыю можна ў чаце.
Рэлацыраваліся? Цяпер вы можаце каментаваць без верыфікацыі акаўнта.