Экспарт медыцынскіх і адукацыйных паслуг у 2023 годзе перавысіў 70 млн долараў
23 красавіка, Позірк. У 2023 годзе грамадзянам 140 дзяржаў былі аказаныя медыцынскія паслугі на суму больш як 40 млн долараў, заявіў намеснік прэм’ер-міністра Ігар Петрышэнка 23 красавіка ў Мінску на адкрыцці выставы “Ахова здароўя Беларусі — 2024”.
“Актыўна працуе наша сістэма адукацыі — студэнты з больш чым 50 краін атрымліваюць якасную адукацыю”, — адзначыў чыноўнік (на падставе відэафрагмента, апублікаванага прэс-службай урада).
Петрышэнка таксама паведаміў, што экспарт адукацыйных паслуг у 2023-м перавысіў 30 млн долараў.
Сёлета выстава прымеркаваная да 105-годдзя сістэмы аховы здароўя Беларусі. Міністэрства аховы здароўя сцвярджае, што гэты форум “стварае якасна новыя магчымасці прасоўвання інавацыйных прадуктаў для практычнай медыцыны”, а таксама “прыцягвае вядучых айчынных і замежных вытворцаў медыцынскай тэхнікі і абсталявання, лекавых прэпаратаў”.
За год у Беларусі стала на 2,8% менш бальніц
4 красавіка, Позірк. У Беларусі на канец 2023 года налічвалася 558 бальніц — на 2,8% менш, чым у 2022-м (574), сведчыць праведзены “Позіркам” аналіз звестак Нацыянальнага статыстычнага камітэта да Сусветнага дня здароўя, які адзначаецца 7 красавіка. Амбулаторна-паліклінічных арганізацый было зарэгістравана 1.394 (за год не …
