У Варшаве закрываюцца беларускі “Дом творцаў” і шэлтар пры ім
Сяргей Доўгушаў
9 лістапада, Позірк. Пра рашэнне закрыць беларускі “Дом творцаў” і шэлтар пры ім у Варшаве паведаміў аўтар праекту, музыка і грамадскі дзеяч Сяргей Доўгушаў на сваёй старонцы ў “Фэйсбуку”.
“З 2021 года я займаўся дапамогай, сацыяльна-дабрачыннай дзейнасцю, і вось мой рэсурс скончыўся. Цяпер я хачу дапамагчы сабе, быць больш са сваёй сям’ёй і блізкімі”, — напісаў Доўгушаў.
Аднаіменная фундацыя, паводле актывіста, “будзе існаваць далей разам з іншымі творчымі праектамі”.
Беларуская арт-рэзідэнцыя “Дом творцаў” у польскай сталіцы з’явілася ў 2021 годзе. Яна давала прытулак дзеячам культуры, якім была патрэбная дапамога. Рэзідэнты маглі знаходзіцца ў ім некалькі месяцаў, працаваць над сумеснымі творчымі праектамі.
У 2024 годзе “Дом творцаў” мог спыніць існаванне з фінансавых прычын. На той момант праз яго прайшло каля 500 чалавек. Патрэбныя для працягу дзейнасці сродеі былі знойдзегы.
Шэлтар для патрэб вызваленых палітвязняў Доўгушаў адкрыў у снежні 2025 года, грошы на яго збіралі праз данаты.
Гл. таксама:
“…А праз год усё змянілася”. Музыка Сяржук Доўгушаў пра пошук месца ў эміграцыі
“Пункт уваходу”. Кіраўнік Беларускага моладзевага хаба пра тое, як не згубіцца ў эміграцыі
