Матэрыял даступны толькі падпісчыкам
ПОЗІРК+Пасля аднадзённага перапынку мігранты працягнулі атакаваць мяжу Беларусі і ЕС
Матэрыял даступны толькі падпісчыкам
ПОЗІРК+
БЧ нагадала работнікам пра забарону ганьбіць яе імідж і рэпутацыю, у тым ліку ў інтэрнэце
3 лістапада, Позірк. Кіраўніцтва Беларускай чыгункі нагадала работнікам пра “недапушчальнасць дзеянняў і выказванняў”, у тым ліку ў інтэрнэце, якія могуць зганьбіць “імідж або дзелавую рэпутацыю” БЧ.
Указаўшы на тое, што такімі ёсць патрабаванні арт. 13 Кодэкса прафесійнай этыкі работнікаў гэтага дзяржаўнага аб’яднання, БЧ падкрэсліла, што выкананне палажэнняў гэтага дакумента з’яўляецца “адным з крытэрыяў ацэнкі якасці працоўнай дзейнасці” чыгуначнікаў.
Згаданы кодэкс быў зацверджаны 16 чэрвеня 2022 года загадам начальніка чыгункі № 161Н.
У чэрвені 2025 года ініцыятыва “Супольнасць чыгуначнікаў Беларусі” паведаміла, што кіраўніцтва БЧ збірала ў работнікаў пісьмовыя пацвярджэнні азнаямлення з адказнасцю за дзеянні, звязаныя з выкарыстаннем “экстрэмісцкіх матэрыялаў і інтэрнэт-рэсурсаў”.
У красавіку таго ж года Камітэт дзяржбяспекі праводзіў праверкі сярод работнікаў БЧ. У працоўны час у іх вымалі і даследавалі асабістыя і службовыя тэлефоны. У першую чаргу гэта тычылася начальнікаў станцый і іх намеснікаў.
З 2024 года за карупцыю было затрымана і асуджана не менш за шэсць топ-менеджараў БЧ.
У прыватнасці, у жніўні 2025-га суд Заводскага раёна Мінска прыгаварыў былога першага намесніка начальніка ДА “Беларуская чыгунка” (БЧ) Пятра Дулуба да 11 гадоў пазбаўлення волі — “на падставе сукупнасці злачынстваў, прадугледжаных ч. 2 і ч. 3 арт. 430 Крымінальнага кодэкса (атрыманне хабару)”. Ён таксама быў аштрафаваны на 5.000 базавых велічынь (на той момант — 210 тыс. рублёў).
Увесну таго ж года Міністэрства ўнутраных спраў пацвердзіла затрыманне напрыканцы 2024-га начальніка службы перавозак БЧ, яго намесніка, а таксама першага намесніка начальніка цэнтра кіравання перавозкамі БЧ. Адзначалася, што ўсе трое — падначаленыя аднаго з кіраўнікоў БЧ, затрыманага ўлетку 2025 года за “сістэматычнае атрыманне хабараў” на агульную суму каля 3 млн долараў.
Тры былыя менеджары БЧ прысуджаныя да пазбаўлення волі за хабар — “Супольнасць чыгуначнікаў Беларусі”
15 снежня, Позірк. Тры былыя менеджары Беларускай чыгункі — Віталь Панюшэнка, Фёдар Шулянкоў і Аляксандр Іваноў — прыгавораныя да пазбаўлення волі рашэннем суда Ленінскага раёна Мінска. Пра гэта паведамляе медыяпраект "Супольнасць чыгуначнікаў Беларусі" (СЧБ). Прысуд вынесены 13 снежня. Панюшэнку прызначана …
Менеджмент БЧ пакляўся не дапускаць "карупцыйных праяў"
27 красавіка, Позірк. Клятву аб "недапушчальнасці карупцыйных праяў" прынеслі 26 красавіка "ва ўрачыстай абстаноўцы" менеджэры аб'яднання "Беларуская чыгунка", паведамляе прэс-служба арганізацыі. Адзначаецца, што гэта адбылося ў "адзіны дзень" прынясення гэтай клятвы, праведзены "ў фармаце відэаканферэнцыі". У мерапрыемстве прынялі ўдзел начальнік …
