У Беларусі працуе кожны чацвёрты жыхар старэйшы за 60 гадоў — звесткі Белстата

28 кастрычніка, Позірк. У Беларусі за пяць гадоў зменшылася доля працоўнай моладзі, а вось узровень занятасці пажылога насельніцтва павялічыўся, вынікае з праведзенага “Позіркам” аналізу штоквартальных звестак Нацыянальнага статыстычнага камітэта.

Сітуацыя па ўзростах наступная:

15–29 гадоў — зніжэнне долі працуючых з 59,7% па выніках ліпеня — верасня 2021-га да 55,4% за аналагічны перыяд 2026-га;

30–39 гадоў — рост з 91,7% да 95,2% адпаведна;

40–49 гадоў — з 93% да 95,2%;

50–59 гадоў — з 83,1% да 88,9%;

60–74 гадоў — з 21,2% да 24,5%.

Такім чынам, у Беларусі працуе амаль кожны чацвёрты грамадзянін ва ўзросце 60 гадоў і старэй.

Пенсійны ўзрост у Беларусі складае 58 гадоў для жанчын і 63 гады — для мужчын.

У верасні 2026 года ў беларускай эканоміцы было занята 4 млн 180,5 тыс. чалавек — на 10,9 тыс. менш, чым у жніўні (4 млн 191,4 тыс.; -0,3%), сведчыць праведзены “Позіркам” аналіз даных Белстата.

У студзені 2026 года ў эканоміцы было занята 4 млн 162,8 тыс. чалавек, у лютым — 4 млн 171,2 тыс., сакавіку — 4 млн 180,9 тыс., красавіку — 4 млн 172,1 тыс., траўні — 4 млн 160,5 тыс., чэрвені — 4 млн 182,9 тыс., ліпені — 4 млн 182,5 тыс.

Паводле інфармацыі Дзяржаўнай службы занятасці на 28 кастрычніка, на рынку працы прапануецца 132.556 вакансій (28 верасня было 130.141; рост на 1,9%).

Намінальная налічаная сярэдняя заработная плата работнікаў у верасні 2026 года склала 3.099,3 рубля — на 36,6 рубля менш (-1,17%), чым у жніўні (3.135,9).

У студзені яна была роўная 2.757,1 рубля, у лютым — 2.743, сакавіку — 2.975,8, красавіку — 2.952,9, траўні — 3.003,5, чэрвені — 3.104,1, ліпені — 3.172.

У трэцім квартале 2026 года ўзровень занятасці ў эканоміцы насельніцтва ў працаздольным узросце склаў 85,3%, не змяніўшыся ў параўнанні з другім кварталам, вынікае з прааналізаваных “Позіркам” даных Белстата па выніках рэгулярнага выбарачнага абследавання хатніх гаспадарак.

Сярод жанчын гэты паказчык склаў 86% (85,7%; +0,3 п.п.), мужчын — 84,7% (84,8%; -0,1 п.п.); гарадскога насельніцтва — 85,4% (85,3%; +0,1 п.п.), сельскага — 84,9% (85%; -0,1 п.п.).

Узровень беспрацоўя склаў 1,1% (2,1%; -0,2 п.п.). Паведамлялася, што беспрацоўнымі было 2,2% мужчын (2,4%; -0,2 п.п.) і 1,6% жанчын (1,8%; -0,2 п. п.).

У гарадах не мела працы 1,9% насельніцтва ў працаздольным узросце (2,2%; -0,3 п.п.), у сельскай мясцовасці — 2,1% (1,9%; -0,2 п. п.).

У снежні 2025 года ў эканоміцы было занята 4 млн 164,2 тыс. чалавек.