1 лістапада вырасце дапамога па доглядзе за грамадзянамі старэйшымі за 80 гадоў або інвалідамі першай групы

27 кастрычніка, Позірк. 1 лістапада вырасце дапамога па доглядзе за грамадзянамі старэйшымі за 80 гадоў або інвалідамі першай групы, паведамляе Міністэрства працы і сацыяльнай абароны.

Гэта адбудзецца дзякуючы павелічэнню з названай даты бюджэту пражытачнага мінімуму (БПМ). Новыя памеры дапамогі будуць дзейнічаць да 31 студзеня 2027 года.

Сумы складуць:

пры доглядзе за адным непрацаздольным — 537,7 рубля (100% БПМ);

пры доглядзе за двума і больш непрацаздольнымі — 642,84 рубля (120% БПМ).

Ведамства нагадвае, што для прызначэння дапамогі неабходна звяртацца ў службу “Адно акно” мясцовага органа ўлады або ва ўпраўленне па працы, занятасці і сацыяльнай абароне па месцы жыхарства асобы, якая мае патрэбу ў доглядзе.