На шляху да месца пажару ў Мінску загарэлася пажарная машына

30 жніўня, Позірк. Пажарная машына загарэлася ў Мінску 30 жніўня на шляху да месца пажару, паведамляе МНС.

Інцыдэнт адбыўся на вуліцы Чыжэўскіх. Загарэлася кабіна пажарнага каленчатага аўтапад’ёмніка. Кіроўца паспеў пакінуць аўтамабіль.

Работнікі МНС ліквідавалі ўзгаранне. Прычына здарэння высвятляецца.

Пажарныя ехалі да аднапавярховага прыватнага дома з мансардай па Лошыцкім завулку. У тушэнні агню ўдзельнічала 6 адзінак тэхнікі. Аб пацярпелых не паведамляецца.

З пачатку года, як вынікае з апошняй зводкі МНС (на 6 гадзін раніцы 30 жніўня), з-за надзвычайных сітуацый у Беларусі пашкоджана 3.996 (год таму за той жа перыяд — 5.000) і знішчана 908 (898) будынкаў.