6 кастрычніка, Позірк. Вольна наведваць лясы можна толькі ў трох раёнах у цэнтральнай частцы Беларусі, сведчыць інтэрактыўная мапа на сайце Міністэрства лясной гаспадаркі.
Гаворка пра Барысаўскі, Крупскі і Смалявіцкі раёны Мінскай вобласці.
На паўднёвым усходзе краіны — у Гомельскім, Добрушскім, Ельскім, Кармянскім і Чачэрскім раёнах Гомельскай вобласці — захоўваецца поўная забарона на наведванне лясоў.
У астатніх 110 раёнах Беларусі дзейнічаюць абмежаванні, пры якіх у лясы нельга заязджаць на аўтамабілі і разводзіць там вогнішчы, але даступныя шпацыры, збор ягад ды грыбоў.
