Дазволеная хуткасць руху суправаджанага цяжкавагавага і буйнагабарытнага транспарту павялічваецца з 50 да 70 км/г

17 жніўня, Позірк. Максімальную хуткасць суправаджаемых цяжкавагавых і (або) буйнагабарытных транспартных сродкаў (ЦБТС) у Беларусі будзе дазволена павялічыць з 50 да 70 км/г, калі гэта не ўплывае на бяспеку дарожнага руху. Адпаведнае змяненне ў Інструкцыю аб парадку ўдзелу ў дарожным руху цяжкавагавых і (або) буйнагабарытных транспартных сродкаў унесенае пастановай Савета міністраў “Аб парадку ўдзелу ў дарожным руху цяжкавагавых і (або) буйнагабарытных транспартных сродкаў“, паведамляе прэс-служба ўрада.

Прадугледжваецца таксама скасаванне абмежаванняў па шырыні, даўжыні і агульнай масе грузу пры суправаджэнні ЦБТС аўтамабілем прыкрыцця або аўтамабілем суправаджэння. Цяпер суправаджэнне неабходна пры наяўнасці мінімум адной з трох умоў: шырыня больш за 3,5 м, даўжыня больш за 24 м, маса больш за 60 т.

Адзначаецца, што змены накіраваныя на паляпшэнне ўмоў працы кампаній, якія займаюцца грузавымі перавозкамі, і на прывядзенне мясцовых нормаў у адпаведнасць з пагадненнем ЕАЭС аб дапушчальных масах, восевых нагрузках і габарытах транспартных сродкаў.

Пастанова набудзе мо праз месяц пасля афіцыйнага апублікавання.