За час прафілактычнай акцыі “Матацыкліст ” затрымана 34 п’яныя вадзіцелі

17 жніўня, Позірк. Падчас прафілактычнай акцыі “Матацыкліст”, якая праходзіла з 6 да 16 жніўня, выяўлена больш за 3,5 тыс. парушэнняў, учыненых кіроўцамі матацыклаў, паведамляе ДАІ МУС.

У нецвярозым стане затрымана 34 байкеры, за адсутнасць правоў адхілена ад кіравання 211 чалавек, 277 матацыклаў змешчана на ахоўныя стаянкі.

Кожнаму факту парушэння ПДР і “безадказных паводзін на дарозе” дадзеная “строгая прававая ацэнка”, заявіла ведамства.

15 жніўня УДАІ Гомельскага аблвыканкама паведаміла пра ДТЗ з удзелам 13-гадовай дзяўчынкі, якая кіравала матацыклам Motoland. Акрамя непаўналетняй траўмы атрымаў яе 18-гадовы пасажыр.