Супраць мінскага інжынера распачатая крымінальная справа за вырошчванне канопляў
19 ліпеня, Позірк. Аб пачатку крымінальнай справы ў дачыненні да 49-гадовага жыхара Мінска за вырошчванне канопляў паведамляе ГУУС Мінгарвыканкама.
Затрыманы — інжынер “сталічнай арганізацыі”, гаворыцца ў паведамленні, па месцы жыхарства ён “абсталяваў памяшканне для вырошчвання нарказмяшчальных раслін”.
“Падчас агляду кватэры фігуранта аператыўнікі выявілі і канфіскавалі гаршчок з раслінай канопляў, прадметы для яе вырошчвання ў хатніх умовах, а таксама звыш 40 грамаў гатовай да ўжывання марыхуаны і прыстасаванні для курэння”, — адзначае ГУУС.
Паводле слоў затрыманага, ён вырошчваў нарказмяшчальныя расліны для ўласнага ўжывання.
Гл. таксама:
33-гадовы жыхар Гомеля затрыманы за вырошчванне канопляў, распачатая крымінальная справа
Супраць 39-гадовага мінчука распачатая крымінальная справа за вырошчванне ў кватэры марыхуаны
У жыхара Гродзенскай вобласці канфіскавана больш за 5 кг марыхуаны
У 68-гадовай жыхаркі Баранавічаў канфіскавана амаль 4 кг марыхуаны — прад’яўлена абвінавачванне
Наркакантроль затрымаў дваіх мужчын, якія вырошчвалі каноплі ў лесе на тэрыторыі Гродзенскага раёна
