За першую палову чэрвеня суседнія краіны ЕС зафіксавалі 1.300 спробаў незаконнай міграцыі з тэрыторыі Беларусі

16 чэрвеня, Позірк. Роўна 1.300 спробаў незаконнага пранікнення праз Беларусь мігрантаў трэціх краін зафіксавалі за першую палову чэрвеня суседнія дзяржавы Еўрасаюза, сведчыць праведзены “Позіркам“ аналіз масіва даных іх пагранічных службаў.

98,9% спробаў — 1.286 — прыйшлося на Латвію. Удзельная вага Польшчы — 0,7% (9%), Літвы — 0,4% (5). Пры гэтым на беларуска-польскай мяжы актыўнасць мігрантаў не назіраецца апошнія 13 дзён (з 3 чэрвеня).

На мяжы з Літвой было спакойна з 31 траўня па 12 чэрвеня, а таксама 15 чэрвеня.

У параўнанні з першай паловай траўня колькасць спробаў нелегальна пранікнуць з Беларусі ў ЕС вырасла на 131, або на 11,2%. З 1.169 спробаў 1.096 (93,8%) прыйшлося на беларуска-латвійскую мяжу.

Больш падрабязнасцяў даступна падпісчыкам “Позірк+”