У Мінску на Радаўніцу пусцяць дадатковыя аўтобусы для наведвання месцаў пахаванняў

16 красавіка, Позірк. У перыяд рэлігійнага свята Радаўніца для наведвання месцаў пахаванняў у Мінску будуць пушчаныя дадатковыя аўтобусы, паведаміла прадпрыемства “Мінсктранс“.

З 19 па 21 красавіка акрамя пастаянных маршрутаў будзе транспарт будзе курсіраваць па дадатковых.

Для праезду на Каладзішчанскія могілкі і могілкі Каралёў Стан арганізуецца дадатковы экспрэсны аўтобусны маршрут № 972Э “ДС Уручча-2 — Каладзішчанскія могілкі”. Толькі 21 красавіка з 7:20 да 18:20 арганізуецца дадатковы прыгарадны аўтобусны маршрут № 978Э “ДС Уручча-2 – Каралёў Стан”.

На Міханавіцкіх могілках дадаткова 21 красавіка з 07:00 да 17:00 арганізуецца дадатковы экспрэсны аўтобусны маршрут № 975Э “Ст. м. Аўтазаводская – могілкі Міханавічы”.

На Паўночныя могілкі арганізуецца дадатковы экспрэсны аўтобусны маршрут № 973Э” ДС Захад-3 – Паўночныя могілкі”, 21 красавіка з 07:00 да 17:00 будуць працаваць дадатковыя аўтобусныя маршруты № 974Э” Кульман – Паўночныя могілкі” і № 977 “1-я брама – 2-я брама” (Паўночныя могілкі).

21 красавіка плануецца павелічэнне колькасці аўтобусаў на маршрутах № 3С, 29, 148С; тралейбусаў на маршрутах № 1, 2, 41, 46, 92; праца трамвайнага маршруту № 11 (пл. З. Бядулі – Зялёны Луг).

З 18 па 21 красавіка аплата праезду у аўтобусах дадатковых маршрутаў (№ 178Э, 971Э, 972Э, 973Э, 974Э, 975Э, 979Э) “будзе спаганяцца адначасова ў прамым і зваротным напрамках пры ажыццяўленні пасадкі ў Мінску; на прыгарадным маршруце № 978Э — па прыгарадным экспрэсным тарыфе”.

Радаўніца ў Беларусі ў 2026 годзе прыпадае на 21 красавіка.

Даведка “Позірку”: 12 і 13 красавіка мэрыя Тбілісі для наведвання могілак (традыцыйна гэта адбываецца ў дзень і адразу пасля праваслаўнага Вялікадня) арганізавала бясплатныя аўтобусы (па дзевяці маршрутах).