30 лістапада, Позірк. На 16,07% (з 3,4735 да 2,9153 рубля) знізіўся афіцыйны курс долара ЗША ў Беларусі за студзень — лістапад 2025 года. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 30 лістапада 2025-га.
На першым месцы паводле вынікаў 11 месяцаў года Расія, дзе долар патаннеў на 23,06% (са 101,6797 да 78,2284 рубля), на трэцім — Таджыкістан — 15,18% (з 10,9325 да 9,2733 самані).
У лістападзе Беларусь заняла трэцяе месца па зніжэнні курсу долара (-2,08%) пасля Казахстана (-3,31%) і Расіі (-2,83%).
Курс долара да беларускага рубля шмат у чым залежыць ад курсу долара да расійскага: у кошыку валют, да якой Нацбанк у 2009 годзе прывязаў нацыянальную валюту, доля рубля РФ цяпер складае 60%.
Больш падрабязная статыстыка даступная падпісчыкам “Позірк+” (калі спасылка не працуе, карыстайцеся, калі ласка, гэтай)
