65-гадовы пешаход пацярпеў у ДТЗ у Мінску

16 лістапада, Позірк. Аб траўміраванні 65-гадовага мужчыны ў дарожна-транспартным здарэнні паведамляе Дзяржаўтаінспекцыя Мінска.

ДТЗ здарылася 15 лістапада каля 19:15. “60-гадовы кіроўца аўтамабіля “Міцубісі” паблізу будынка №8 на вуліцы Ілімскай, паводле папярэдняй інфармацыі, пры праездзе нерэгуляванага пешаходнага пераходу ўчыніў наезд на 65-гадовага пешахода”, — гаворыцца ў паведамленні.

Мужчына дастаўлены ва ўстанову аховы здароўя для абследавання.

Адзначаецца, што на месцы аварыі працавалі супрацоўнікі ДАІ Заводскага раёна Мінска.

Раней паведамлялася аб смяротным ДТЗ у Веткаўскім раёне (Гомельская вобласць).

Аварыя здарылася 16 лістапада каля 2:30 у аграгарадку Няглюбка.

“18-гадовы бяспраўнік за рулём “Опель”, паводле папярэдняй інфармацыі, не справіўся з кіраваннем, выехаў на абочыну і здзейсніў наезд на дрэва. Ад удару аўтамабіль разарвала на часткі”, — паведамляла МУС.

Адзначалася, што ў выніку ДТЗ “кіроўца і яго 18-гадовы пасажыр загінулі”, “абодва не былі прышпіленыя рамянямі бяспекі”.

“Вядома, што напярэдадні маладыя людзі ўжывалі алкаголь”, — адзначылі ў ведамстве.