17-гадовы бяспраўнік насмерць збіў жанчыну-пешахода ў Столінскім раёне
10 кастрычніка, Позірк. Аб смяротным дарожна-транспартным здарэнні ў Столінскім раёне паведамляе УУС Брэсцкага аблвыканкама.
ДТЗ здарылася 9 кастрычніка ў 22:30. Адзначаецца, што 17-гадовы жыхар аграгарадка Альшаны, знаходзячыся за рулём аўтамабіля Geely без “права кіравання транспартным сродкам”, здзейсніў наезд на 47-гадовую мясцовую жыхарку, якая “перасякала праезную частку дарогі па-за пешаходным пераходам”.
“Ад удару аўтамабіль загарэўся. Узгаранне лакалізавана супрацоўнікамі МНС, якія аператыўна прыбылі на месца”, — гаворыцца ў паведамленні.
У выніку ДТЗ жанчына памерла на месцы здарэння.
Узбуджана крымінальная справа.
Гл. таксама:
