У Варшаве затрыманы беларус, якога шукалі французскія праваахоўнікі

8 верасня, Позірк. 40-гадовага грамадзяніна Беларусі, які адшукваўся на падставе еўрапейскага ордара на арышт, 4 верасня затрымалі супрацоўнікі паліцыі Варшаўскага раёна Сярэдмесце, сталічнай і галоўнай камендатур.

Паліцыя цэнтральнай паліцэйскай акругі Варшавы паведаміла 8 верасня, што беларускі грамадзянін адшукваўся французскім правасуддзем. Ён абвінавачваецца ў сувязях са злачыннай супольнасцю, што займаецца незаконным абаротам наркотыкаў, агнястрэльнай зброі, а таксама адмываннем грошай.

Разам з беларусам затрыманыя трое грамадзян Украіны, якія, паводле версіі паліцыі, дапамагалі яму хавацца.

Паліцыя меркавала, што падазраваныя маглі быць узброеныя, таму, як паведамляецца, вырашальнае значэнне для правядзення аперацыі ў адпаведнасці з распрацаваным планам стаў “фактар ​​раптоўнасці”.

Паводле інфармацыі польскай паліцыі, пасля выканання ўсіх працэсуальных патрабаванняў беларус будзе выдадзены Францыі.