Абмежаванні на наведванне лясоў уведзеныя на ўсходзе Беларусі — у двух раёнах Магілёўскай вобласці

17 кастрычніка, Позірк. У Касцюковіцкім і Хоцімскім раёнах Магілёўскай вобласці 17 кастрычніка ўведзеныя абмежаванні на наведванне лясоў, сведчыць інтэрактыўная мапа на сайце Міністэрства лясной гаспадаркі.

У абодвух раёнах вызначаны III клас пажарнай небяспекі.

Абмежаванні азначаюць, што ў лясы нельга заязджаць на аўтамабілі і разводзіць там вогнішчы, але даступныя шпацыры, збор ягад ды грыбоў.

У астатніх 116 раёнах Беларусі ў лясы можна хадзіць вольна.