Праваабаронцы паведамляюць пра рэпрэсіі супраць сваякоў былых палітвязняў

10 верасня, Позірк. Пра працяг ціску на былых палітвязняў і іх сваякоў паведамляе 10 верасня праваабарончы цэнтр “Вясна”.

“Сілавікі прыходзяць з ператрусамі да бацькоў былых палітвязняў, выклікаюць іх родных на допыты і распытваюць аб месцазнаходжанні вызваленых”, — гаворыцца ў рэлізе.

Падрабязнасці не прыводзяцца.

Пры гэтым праваабаронцы заклікаюць паведамляць ім пра такія выпадкі, “каб зафіксаваць маштабы пераследу”.

Паводле даных “Вясны”, на 10 верасня палітвязнямі ў Беларусі прызнана 890 чалавек.

Рэальная колькасць пераследуемых у крымінальным парадку па палітычных матывах можа быць значна вышэйшая. Беспрэцэдэнтныя па маштабе палітычныя рэпрэсіі працягваюцца ў краіне з 2020 года.