9 верасня суседнія краіны ЕС зафіксавалі рэкордную за апошнія 66 дзён колькасць спробаў парушэння мяжы з боку Беларусі
10 верасня, Позірк. Рэкордную за апошнія 66 дзён колькасць спробаў парушэння мяжы з боку Беларусі — 144 — зафіксавалі 9 верасня суседнія краіны Еўрасаюза, сведчыць праведзены “Позіркам” аналіз масіву аператыўных звестак іх памежных службаў.
Больш спробаў да гэтага было 5 ліпеня — 158.
Латвія, мяжу якой мігранты бесперапынна штурмуюць 169 дзён, зарэгістравала 97 спробаў (столькі ж было 29 жніўня), Польшча — 24, Літва — 23.
Паводле падлікаў “Позірку”, з пачатку верасня суседнія краіны ЕС паведамілі агулам аб 490 спробах парушэння мяжы мігрантамі, якія спрабуюць патрапіць на іх тэрыторыю праз Беларусь. Найбольшы ціск, як і ў папярэднія сем месяцаў (з сакавіка), адчувае Латвія, на долю якой прыйшлося 67,3% спробаў (330).
У параўнанні з дзевяццю днямі жніўня актыўнасць нелегалаў у статыстычным вымярэнні вырасла на 15,6% (было 424 спробы).
Больш падрабязнасцяў даступна падпісчыкам “Позірк+”
Гл. таксама:
