Амаль па ўсёй Беларусі дазволена свабодна наведваць лясы

23 жніўня, Позірк. Амаль ва ўсіх раёнах Беларусі дазволена свабодна наведваць лясы, сведчыць інтэрактыўная карта на сайце Міністэрства лясной гаспадаркі.

Забаронаў няма ні ў адным раёне.

У адным раёне са 118 — Салігорскім (Мінская вобласць) — дзейнічаюць абмежаванні, пры якіх у лясы нельга заязджаць на аўтамабілі і разводзіць там вогнішчы, але даступныя пешыя прагулкі, збор ягад і грыбоў.