З хутара ў Пастаўскім раёне дастаўленыя ў бальніцу мужчына і яго непаўнагадовы сын, якія атрымалі апёкі пры спальванні смецця

22 жніўня, Позірк. Мужчына 1983 года нараджэння і яго непаўнагадовы сын (2009 г.н.) шпіталізаваны з апёкамі ў Пастаўскім раёне Віцебскай вобласці, паведамляе МНС.

Інцыдэнт здарыўся ўвечары 21 жніўня на хутары Баравое. Грамадзяне выкарыстоўвалі лёгкаўзгаральную вадкасць для спальвання смецця. Яе пары ўспыхнулі.

Гэты выпадак пакуль не адлюстраваны ў статыстыцы пажараў, якую вядзе МНС.

Паводле звестак ведамства, з пачатку 2026 года ў Беларусі зафіксавана 4.661 надзвычайная сітуацыя (+8,9% да таго ж перыяду 2025-га), у тым ліку 4.645 — тэхнагеннага (+9,1%) і 16 (-23,8%) — прыроднага характару. Пажараў зарэгістравана 4.641 (+9,1%).