У Бабруйску ДАІ зняла з лініі п’янага кіроўцу аўтобуса — экспертыза паказала 1,15 праміле

29 ліпеня, Позірк. У Бабруйску супрацоўнікі Дзяржаўтаінспекцыі знялі з лініі п’янага кіроўцу аўтобуса, паведамляе УУС Магілёўскага аблвыканкама.

Падкрэсліваецца, што ў момант спынення нарадам ДАІ аўтобус перавозіў пасажыраў. Пры праверцы дакументаў “фізічны стан 41-гадовага кіроўцы выклікаў падазрэнне“, гаворыцца ў паведамленні.

“Медыцынскі агляд пацвердзіў наяўнасць этылавага спірту ў паветры на выдыху — 1,15 праміле“, — адзначае УУС.

Парушальнік заплаціць штраф у памеры 200 базавых велічыняў (9.000 беларускіх рублёў) і будзе пазбаўлены правоў кіроўцы на 5 гадоў, заявілі ў абласным упраўленні ўнутраных спраў.

Гл. таксама:

У Віцебскай вобласці супрацоўнікі ДАІ стралялі па аўтамабілі з п’яным кіроўцам

У Пінскім раёне п’яны ўгоншчык спрабаваў уцячы ад ДАІ, аўтамабіль спынялі са стральбой

У Маладзечанскім раёне міліцыя стральбой спыніла аўтамабіль з п’яным жыхаром Мінска за рулём