У траўні колькасць занятых у эканоміцы зменшылася на 11,6 тыс. — звесткі Белстата

28 чэрвеня, Позірк. У траўні 2026 года ў беларускай эканоміцы было занята 4 млн 160,5 тыс. чалавек — на 11,6 тыс. менш, чым у красавіку (4 млн 172,1 тыс.; -0,3%), сведчыць праведзены “Позіркам” аналіз даных Нацыянальнага статыстычнага камітэта.

“Зніжэнне колькасці занятага насельніцтва ў эканоміцы ў траўні ў параўнанні з красавіком гэтага года абумоўленае сезонным фактарам”, — гаворыцца ў сувязі з гэтым у паведамленні Белстата.

Паводле інфармацыі Дзяржаўнай службы занятасці на 28 чэрвеня, на рынку працы прапануецца 133.372 вакансіі (26 траўня было 137.173; зніжэнне на 2,8%).

У студзені 2026 года ў эканоміцы было занята 4 млн 162,8 тыс. чалавек, у лютым — 4 млн 171,2 тыс., сакавіку — 4 млн 180,9 тыс.

У першым квартале 2026 года ўзровень занятасці ў эканоміцы насельніцтва працаздольнага ўзросту склаў 84,4% (у чацвёртым квартале 2025-га — 85,7%; -1,3 працэнтнага пункта), паказаў праведзены “Позіркам” аналіз даных Белстата паводле вынікаў рэгулярнага выбарачнага абследавання хатніх гаспадарак.

Сярод жанчын гэты паказчык склаў 84,6% (86,2%; -1,6 п.п.), мужчын — 84,2% (85,3%; -1,1 п.п.); гарадскога насельніцтва — 84,4% (85,8%; -1,4 п.п.), сельскага — 84,4% (85,3%; -0,9 п.п.).

Узровень беспрацоўя склаў 2,4% (2,5%; -0,1 п.п.). Паведамляецца, што беспрацоўнымі былі 2,8% мужчын (2,6%; -0,2 п.п.) і 1,9% жанчын (2,3%; -0,4 п.п.).

У гарадах не мела працы 2,5% насельніцтва працаздольнага ўзросту (2,4%; +0,1 п.п.), у сельскай мясцовасці — 1,8% (2,6%; -0,8 п.п.).

У студзені 2025 года ў эканоміцы было занята 4 млн 131,6 тыс. чалавек, у лютым — 4 млн 141 тыс., сакавіку — 4 млн 146,2 тыс., красавіку — 4 млн 135,8 тыс., траўні — 4 млн 122,1 тыс., чэрвені — 4 млн 149,7 тыс., ліпені — 4 млн 148 тыс., жніўні — 4 млн 156,2 тыс., верасні — 4 млн 151 тыс., кастрычніку — 4 млн 156,6 тыс., лістападзе — 4 млн 154,2 тыс., снежні — 4 млн 164,2 тыс.