Літва выйшла з канвенцыі па супрацьпяхотных мінах

27 снежня, Позірк. Літва афіцыйна выйшла з Канвенцыі аб забароне прымянення, назапашвання запасаў, вытворчасці і перадачы супрацьпяхотных мін і аб іх знішчэнні (Атаўскай канвенцыі), учыненай у Осла 18 верасня 1997 года.

27 снежня прайшло роўна шэсць месяцаў з таго моманту, як Вільнюс апавясціў Генеральнага сакратара ААН аб такім кроку, адзначае агенцтва BNS.

Такім чынам, рашэнне набыло моц.

Міністэрства нацыянальнай абароны раней паведаміла агенцтву, што Вільня пачне перамовы аб магчымасці закупкі або вытворчасці супрацьпяхотных мін.

Выйсце Літвы з Атаўскай канвенцыі Сейм ухваліў у траўні.

Як паведамляў “Позірк”, 13 чэрвеня закон аб выхадзе Эстоніі з гэтай канвенцыі падпісаў прэзідэнт краіны Алар Карыс. Прэзідэнт Латвіі Эдгарс Рынкевічс падпісаў аналагічны дакумент 24 красавіка, 23 ліпеня — на той момант прэзідэнт Польшчы Анджэй Дуда.

Беларусь далучылася да Атаўскай дамовы 3 верасня 2003 года (рашэнне ўступіла ў сілу 1 сакавіка 2004 года).