4 жніўня, Позірк. Актыўнасць мігрантаў, якую фіксуюць краіны Еўрасаюза на мяжы з Беларуссю, расце, нягледзячы на захады, што прымаюцца, сведчыць праведзены “Позіркам” аналіз звестак памежных службаў Латвіі, Літвы і Польшчы.
У студзені — ліпені 2025 года зафіксавана 27.360 спробаў незаконнага пераходу з Беларусі ў ЕС. Гэта на 7,2% больш, чым за сем месяцаў летась, і на 12,7% больш, чым за аналагічны перыяд 2023 года.
Найбольш папулярным кірункам у мігрантаў застаецца польскі, хоць напружанне за апошні год знізілася: на яго долю ў студзені — ліпені 2023 года прыйшлося 72,3% усіх спробаў нелегальнай міграцыі наземным шляхам, у студзені — ліпені 2024-га — 84,4%, у студзені — ліпені 2025-га — 67,4%.
Міграцыйны крызіс на мяжы Беларусі і краін ЕС працягваецца з вясны 2021 года. Улады суседніх еўрапейскіх дзяржаў лічаць яго “гібрыднай атакай”, арганізаванай рэжымамі ў Мінску і Маскве.
Аляксандр Лукашэнка неаднаразова заяўляў, што беларускія пагранічнікі не будуць спыняць нелегальных мігрантаў, якія ідуць у Еўрасаюз праз Беларусь, таму што іх туды нібыта паклікалі.
Іншыя падрабязнасці даступныя падпісчыкам “Позірк+”
