«Шчасце, — казаў прафесар Альбус Дамблдор, — можна знайсці нават у самыя цёмныя часы, калі не забываць звяртацца да святла».
Вось чым займаліся людзі, дзякуючы якім на devby.io было больш святла і / або пазітыву ў 2023 годзе:
«Шчасце, — казаў прафесар Альбус Дамблдор, — можна знайсці нават у самыя цёмныя часы, калі не забываць звяртацца да святла».
Вось чым займаліся людзі, дзякуючы якім на devby.io было больш святла і / або пазітыву ў 2023 годзе:
Сузаснавальнік і экс-СЕО OneSoil Слава Мазай і праграміст Лёша Угальнікаў (а яшчэ іх сябры і калегі Дзіма Бука і Воля Палевікова) выпусцілі кнігу «Кут» — гэта некалькі сотняў фатаграфій бясконца любімай Беларусі, знятай Славам і Лёшам з зямлі і з дрона.
Самае цяжкае, кажуць аўтары, — выдаляць фатаграфіі (бо іх набралася 600, а пакінуць у кнізе можна было толькі палову).
Франтэнд-распрацоўшчык запусціў тэхнаблог на беларускай мове — bel-frontend.online. Пакуль там у асноўным разбіраюць пытанні з рэальных сумоўяў, але аўтар не супраць, калі вы прапануеце свае тэмы.
Аўтар таксама вядзе тг-канал «Беларускі франтэнд ды іншая трасца». Нуй наогул прасоўвае родную мову. Як i айцiшнiкi, якiя нават у эмiграцыi навучаюць сваiх дзяцей па-беларуску. Дзякуй iм за гэта!
Некалькі сяброў сабраліся на анлайн-сазвоне і вырашылі запусціць новы праект — без бюджэту, толькі на энтузіязме і экспертызе. Так з’явіўся IronZen — праграма, якая дапамагае людзям справіцца з трывогай.
Функцыянал у праграмы вельмі гнуткі: хтосьці юзае IronZen для збору на трэніроўку, каб нічога не забыцца, а хтосьці збіраецца з ім у падарожжа.
Яўгенія Макарэвіч і Анастасія Марыніч працуюць у падобным дамене — яны стварылі персанальнага асістэнта па зніжэнні трывожнасці ў жанчын (паводле некаторых ацэнак, каля 275 мільёнаў жанчын у свеце пакутуюць ад гэтага).
Механіка праграмы CenterMe такая: карыстальніца кожны дзень атрымлівае свой рытуал на 15 хвілін для зніжэння трывогі. Кожны такі рытуал складаецца з трох практыкаванняў, якія, як кажуць дзяўчаты, заснаваныя на кагнітыўна-паводзіннай тэрапіі. Цяпер у стартапа два тэрапеўты-кансультанты (PhD): адзін з Еўропы, другі — з ЗША.
Выхадцы з EPAM і iTechArt Віталь Крупенька і Дзяніс Прышчэп, а таксама сузаснавальнік AI-стартапаў Oyper і Oybox Кірыл Сідарчук зарэгістравалі ў ЗША AI-стартап DeepMate. Ён дапамагае кампаніям праводзіць сумоўі і ацэньваць веды кандыдатаў.
Увесну гэтага года праект трапіў у праграмы развіцця стартапаў NVIDIA Inception і Microsoft for Founders Hub. У чэрвені DeepMate закрыў першы інвестраўнд пры ацэнцы 1,2 мільёна долараў, у ліпені каманда выпусціла на рынак першую публічную версію прадукту.
Юлія Максімчык трапіла ў EPAM яшчэ на трэцім курсе. З тых часоў яна паспела папрацаваць у Godel Technologies, амерыканскім Lyft, рэлакавацца ў Варшаву і стаць Senior frontend-распрацоўшчыцай у Netflix.
Дзяўчына кажа, што ў кожную кампанію заходзіць на ніжэйшы тайтл — а потым вырастае. Чаму — бо не хоча «сядзець у камфортнай зоне», ёй трэба заўсёды вырашаць задачы, рухацца: «Гэта частка мяне ў тым ліку і ў працы», — адзначае яна.
Вераніка Безручанка ўсё дзяцінства правяла ў чарнобыльскай вёсцы, у Мінску бывала толькі адзін раз — са школьнай экскурсіяй. Пасля школы яна паступіла на фізфак БДУ, стала вывучаць оптыку, атрымала навуковую ступень і офер ад бельгійскага стартапа Morrow N.V. Стартап вырабляе акуляры з ВК-лінзай для людзей з захворваннямі вачэй. Пачытайце пра кар’еру Веранікі.
Вядомы ІТ-прадпрымальнік і венчурны інвестар Юрый Мельнічак і не менш вядомы ІТ-менеджар, таксама інвестар Аляксандр Мацвеенка зрабілі праграму з прагнозам дажджу Rainbow.ai. Іх прадукт выйшаў на Product Hunt у жніўні. Кажуць, што вось цяпер ужо мы дакладна будзем ведаць, а каторай гадзіне пойдзе дождж і калі скончыцца.
А ў галоўнага аграстартапа беларусаў здарыўся спін-оф. Двое ўдзельнікаў OneSoil Мікіта Бедункевіч і Філіп Кандраценка сышлі з кампаніі і стварылі ў Польшчы новы стартап «на тую ж тэму» — Cropler. Не так даўно каманда, да якой далучыўся таксама экс-супрацоўнік DEIP Ягор Вярбіцкі, прыцягнула першыя інвестыцыі і ўжо плануе прамысловую вытворчасць.
Цяпер Cropler — «GoPro для фермераў», масавая палявая камера. Але ў будучыні, калі каманда збярэ даныя і навучыцца апрацоўваць карцінкі, праграма будзе вызначаць фенастадыі і распазнаваць хваробы пасеваў. Нешта накшталт Flo для фермера.
Праектная менеджарка, тэхлід, а з 2019 года — СЕО праграмы Healsens Ганна Барзаковская без інвестара робіць стартап, які дапамагае прадбачыць хваробы.
Сэрвіс прапаноўвае індывідуальны план скрынінгаў, улічваючы пол і ўзрост кожнага карыстальніка. Затым на аснове вынікаў аналізаў разлічвае рызыкі. Яшчэ праграма падтрымлівае матывацыю праз падказкі. Яны расказваюць, як разумець біямаркеры і ўплываць на іх праз харчаванне або заняткі спортам. А неўзабаве з’явіцца функцыя, якая дапаможа маніторыць і ўкараняць новыя звычкі.
Аляксандр Міхальчанка — CEO невялікай аўтсорс-кампаніі Xfuturum, аўтар канала «Каляайці». Ён працуе на двух праектах — абодва фул-тайм (так, бывае няпроста: даводзілася нават спатканні сумяшчаць з зум-канферэнцыямі) — і зарабляе больш за $10 тысяч. І гэта ў Мінску.
Хоць не ён адзін дзяліўся сёлета рэцэптам, як зарабляць столькі грошай — яшчэ вось кейс у Польшчы, і вось, і яшчэ плюс гісторыя. Усе гэтыя кейсы натхнялі нас сёлета імкнуцца да большага і дасягаць вынікаў, так? :)
Мікіта Кузьмічкін 4 гады займаўся мабільнымі гульнямі. На апошнім месцы працы выгараў — і сышоў у нікуды. Адкрыў у Барысаве і ў Мінску тры пункты, у якіх падаюць бабл-ці. Цяпер айцішнік «абсалютна шчаслівы»: бізнэс становіцца на рэйкі, з дзецьмі стаў бавіць больш часу, і ў праграмаванне зноў вярнуўся — кодзіць на фрылансе.
Станіслаў Прыдыбайла з Гомеля працуе над развіццём транспартных праектаў. Але ў яго шмат яшчэ iншых талентаў — можа стварыць дакументальны фільм з дапамогай нейрасеткі або ажывіць беларускіх гістарычных асоб. Апошнія два гады ён варыць піва. Але не звычайнае, а беларускае старажытнае — тое, што піла яшчэ беларуская шляхта.
Дзе рэцэпты шукае — інфармацыя ёсць, але ж толькi па-старапольску, на латыні, старажытнарускай ды старабеларускай мове. I тут дапамагаюць тэхналогii — OCR (Optical Character Recognition) i нават Facebook — там Станіслаў знаёмiцца з навукоўцамi i пiша iм, што трэба ратаваць гісторыю беларускага піва. Пачытайце пра нашыя старадаўнiя «актобарфэсты».
Сяргей сваё шчасце знайшоў у ІТ. Усё жыццё ён працаваў на сябе: займаўся дрэваапрацоўкай і грузаперавозкамі, гандляваў аўтазапчасткамі і сокамі — а ў 47 гадоў стаў распрацоўшчыкам. Першую працу (у беларускім EPAM) знайшоў у лютым мінулага года — фактычна «дагнаў цягнік за паваротам». Вось як бывае!
Джун-распрацоўшчык Мікіта Дзмітрачэнка не змог знайсці працу, нават пасля таго, як паабяцаў у лінкедзіне на працягу двух гадоў аддаваць 30% заробку таму, хто ўладкуе яго ў кампанію. Але ён не страціў надзеі, а пераключыўся — затое заняўся гарбарнай справай, і цяпер праз той жа лінкедзін прадае партманэ, чахлы для ноўтбукаў і планшэтаў ды іншыя вырабы ўласнай вытворчасці. Атрымліваецца выдатна!
Экс-гулец «Цмокі Мінс» і сябра нацыянальнай зборнай Раман Рубінштэйн знайшоў спосаб сумяшчаць кар’еру бэкэнд-распрацоўшчыка з баскетбольнай. Ён гуляе ў сербскай «Калубары», а ў перапынках паміж трэніроўкамі піша код. Кажа, што гэта, вядома, няпроста, але «калі трэба калісьці папрацаваць ноччу, значыць буду».
А тройчы чэмпіён Беларусі, топ-баскетбаліст Аляксандр Пустагвар навучыўся пісаць код на Swift. І збіраецца рабіць кар’еру ў ІТ.
Чытачы, віншуем! Мы перажылі (амаль) яшчэ адзін складаны год. У 2023 наша каманда працягвала сачыць за беларускім ІТ і трымала вас у курсе самага важнага.
Без вас у нас бы не атрымалася! Вы дзеліцеся з намі досведам і інсайдамі, расказваеце гісторыі, смешныя і сумныя, ствараеце дыскусіі — робіце ўсё, каб беларускае ІТ працягвала жыць нягледзячы на межы і адлегласці. dev.by быў і застаецца месцам сустрэчы нашых чытачоў, дзе б яны не знаходзіліся.
Мы працягваем працаваць, у тым ліку дзякуючы вам. Сёлета нам заданацілі 678 чалавек. Гэта неверагодна кранальна і значна дапамагае нам працаваць далей і верыць у будучыню dev.by. Але нам усё яшчэ патрэбная падтрымка. Вашыя данаты дапамагаюць выплачваць заробкі журналістам.
Даб’ём да 700? Падтрымайце нас:
— Праз Patreon
— Праз Donorbox (калі вы ў Беларусі)
— Крыптой, тут гаманцы.
Дзякуй. З Надыходзячым!
Рэлацыраваліся? Цяпер вы можаце каментаваць без верыфікацыі акаўнта.
Если обратить внимание, то комменты под нижеизложенными статьями либо малочисленны, либо, как бы это мягче сказать, не совсем положительны.
Как то не катят идеи Дамблдора тут.
Вопросик редакции. Было же вот это?
Вы уж там определитесь, который текст у вас будет заключительным
Хороший материал 🤍 спасибо, девбай