«Хацелі паказаць, наколькі прыгожая Беларусь». Слава Мазай з сябрамі выпусціў фотаальбом

Сузаснавальнік і экс-СЕО OneSoil Слава Мазай знаходзіцца ў творчым адпачынку. І вось яго наглядны плён — кніга «Кут». У ёй рэалізаванае альтэр-эга Славы Мазая і праграміста Лёшы Угальнікава — фатографаў-пейзажыстаў, закаханых у Беларусь.

Дзесяць гадоў, паасобку і разам, яны ездзілі па краіне, фатаграфуючы родную прыроду. І вось цяпер, апынуўшыся ў Польшчы, вырашылі, што настаў час апублічыць сваю любоў. Да працы над фотаальбомам далучыліся сябры і калегі Дзіма Бука і Воля Палевікова. 

— Мы з Лёшам пазнаёміліся дзякуючы хобі — на Нёмане, на досвітку. І сталі разам здымаць. Я ўжо даўно хацеў зрабіць кнігу. Але ўсё не было часу: то праз One Soil, то праз іншае. А год таму пайшоў у творчы адпачынак. І пазнаёміўся з выдаўцом і дызайнерам Дзімам Букам. Ён даслаў мне такое душэўнае паведамленне, пасля якога я зразумеў, што з Дзімам мы дакладна зробім гэтую кнігу. Вось яно:

Складаней за ўсё аўтарам было адабраць матэрыял для выдання. За дзесяць гадоў фотаздымкаў назбіралася некалькі тысяч. А старонак у альбоме — 600. Калі фатографы нарэшце адабралі самае-самае, прыйшоў Дзіма І сказаў: «Усё класна, але шмат. Давайце палову выдалім».

І так і зрабілі. У Лёшы больш прыгожых фота з зямлі, у мяне — з дрона.

Яшчэ быў момант, калі мае фатаграфіі перасталі мне падабацца. Вось адразу ўсё. І я тыдзень хадзіў сумны. Але Дзіма сказаў, што гэта нармальны этап пры выданні кнігі — узлёты і падзенні, як на амерыканскіх горках.

Кніга «Кут» атрымалася нятанная, сабекошт друку — высокі, ці ўдасца акупіць выдаткі, аўтары не ведаюць. Але сцвярджаюць, што гэта не так важна.

— Будзе класна, калі мы акупім выдаткі, — кажа Слава. — Яшчэ лепш, калі зможам на гэтым нешта зарабіць і праінвеставаць другую кнігу. Але гэты праект не пра заробак. Нам проста хацелася зрабіць класную кнігу пра Беларусь. Паказаць, наколькі прыгожая наша краіна. Я хачу паказаць гэта сваім сябрам і свету.

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.

Праз Patreon. 

З Беларусі — праз Donorbox.

І яшчэ крыптой, тут кашалькі.

Дзякуй, што прачыталі гэтае паведамленне.

«У нас 5% пахотной земли. Единорогу нужны десятки». OneSoil о планах на мировое господство

По теме

«У нас 5% пахотной земли. Единорогу нужны десятки». OneSoil о планах на мировое господство

Сузаснавальнік OneSoil Слава Мазай сыходзіць з кампаніі

Па тэме

Сузаснавальнік OneSoil Слава Мазай сыходзіць з кампаніі