Латушка: Калі Расія кантралюе інфапрастору Беларусі і ўкладае ў гэта мільярды долараў, то ЕС мусіць інвеставаць столькі ж у беларускае грамадства
11 верасня, Позірк. Да павелічэння падтрымкі беларускіх дэмакратычных сіл і незалежных СМІ заклікаў Еўрасаюз кіраўнік Народнага антыкрызіснага ўпраўлення, намеснік кіраўніка Аб’яднанага пераходнага кабінета Павел Латушка на XXXV Эканамічным форуме ў Карпачы (Ніжнесілезскае ваяводства Польшчы).
Штогадовае міжнароднае мерапрыемства прайшло 8–10 верасня. НАУ традыцыйна ў апошнія гады выступае яго партнёрам.
Варта фінансаваць дэмакратычныя інстытуты Беларусі за мяжой “у такой ступені, каб гэта сапраўдна мела велізарны ўплыў”, лічыць палітык: “Калі Расія цяпер кантралюе інфармацыйную прастору Беларусі і інвестуе ў гэта сотні мільёнаў ці нават мільярды долараў, то ЕС, каб эфектыўна супрацьдзейнічаць расійскай прапагандзе, мусіць інвеставаць столькі ж у беларускае грамадства”.
Стратэгія ЕС “мусіць палягаць не толькі ў тым, каб будаваць на мяжы плот і купляць зброю”, сказаў Латушка: “[Яна] таксама мусіць быць у інфармацыйнай сферы. Мы мусім змагацца за розумы людзей”.
“[Аляксандр] Лукашэнка фактычна прадаў знешнюю і ваенную палітыку. Гэта драматычна адбылося пасля выбараў 2020 года, калі ён іх прайграў і, каб не страціць пасаду, папрасіў падтрымкі ў Расіі”, — цытуе Латушку прэс-служба АПК.
Асобна спікер адзначыў “неабходнасць аб’яднанай Еўропы для эфектыўнага супрацьстаяння расійскай агрэсіўнай палітыцы”: “Таксама праактыўная камунікацыя еўрапейскіх лідараў з Кітаем, дзеля таго, каб Кітай перастаў падтрымліваць агрэсію Расіі супраць Украіны. Гэта ключ да заканчэння вайны”.
Прадстаўнік АПК Баркоўскі выказаўся за скарачэнне дапамогі незалежным СМІ — на іх абарону выступіў дарадца Ціханоўскай Вячорка
4 верасня, Позірк. За скарачэнне фінансавання незалежных беларускіх СМІ ў выгнанні выказаўся прадстаўнік Аб’яднанага пераходнага кабінета (АПК) па нацыянальным адраджэнні Павел Баркоўскі. Яму завочна запярэчыў Франак Вячорка, галоўны дарадца дэмакратычнага лідара, кіраўніцы АПК Святланы Ціханоўскай. 3 верасня на сваёй старонцы …
