Беларускаму актывісту Аляксею Францкевічу, які пражывае ва Украіне, на 10 гадоў забаронены ўезд у Польшчу
7 жніўня, Позірк. Заснавальнік дабрачыннага фонду “Вольная Беларусь”, кіраўнік грамадскага саюза “Білоруська спільнота України” (“Беларуская супольнасць Украіны”) Аляксей Францкевіч паведаміў на сваёй старонцы ў “Фэйсбуку”, што яму на 10 гадоў забаронены ўезд у Польшчу.
Перад гэтым, як напісаў актывіст у сацсетцы, яго не ўпусцілі ў Польшчу. Прычыну, паводле яго слоў, польскія памежнікі не паведамілі. “Чакаю тлумачэнняў”, — адзначыў ён.
На пытанні ў каментарыях пра прычыну, Францкевіч пазней адказаў: “Непажаданая асоба”.
Францкевіч пражывае ва Украіне. Фонд “Вольная Беларусь”, які ён узначальвае, называе сваімі мэтамі абарону правоў беларусаў ва Украіне, дапамогу Украіне ў супрацьстаянні расійскай агрэсіі.
Гл. таксама:
