ДТЗ з маршруткай у Шумілінскім раёне — 57-гадовая жанчына загінула, чатыры чалавекі атрымалі траўмы
26 ліпеня, Позірк. Аб смяротным дарожна-транспартным здарэнні з удзелам маршрутнага таксі ў Шумілінскім раёне (Віцебская вобласць) паведамляе Міністэрства ўнутраных спраў.
Адзначаецца, што 26 ліпеня каля 13 гадзін на 6-м міламетры аўтадарогі Н-3950 Обаль — Полацк, паводле папярэдняй інфармацыі, 35-гадовы кіроўца мікрааўтобуса “Фольксваген” выехаў на паласу сустрэчнага руху, дзе здзейсніў сутыкненне з аўтамабілем “Рэно”, які рухаўся ў сустрэчным кірунку.
У выніку ДТЗ 57-гадовая пасажыр “Рэно” загінула. 57-гадовы кіроўца легкавога аўтамабіля і тры пасажыры маршруткі (32–38 гадоў) атрымалі траўмы.
На месцы здарэння працуюць супрацоўнікі ДАІ і следча-аператыўная група.
См. таксама:
У Іўеўскім раёне матацыкліст без правоў загінуў, урэзаўшыся ў грузавік
У выніку аварыі ў Быхаўскім раёне адзін чалавек загінуў, пяцёра шпіталізавана
