Лукашэнка зацвердзіў справаздачы аб выкананні рэспубліканскага бюджэту і бюджэту ФСАН за 2025 год

24 ліпеня, Позірк. Аляксандр Лукашэнка падпісаў законы аб зацвярджэнні справаздачы аб выкананні рэспубліканскага бюджэту і бюджэту Фонду сацыяльнай абароны насельніцтва за 2025 год. Інфармацыя пра гэта апублікаваная 24 ліпеня на Нацыянальным прававым інтэрнэт-партале.

15 ліпеня ён зацвердзіў прынятую Палатай прадстаўнікоў 12 чэрвеня і ўхваленую Саветам Рэспублікі 30 чэрвеня справаздачу аб выкананні рэспубліканскага бюджэту па даходах у суме 50 млрд 415 млн 64 тыс. 448,67 рубля і па выдатках у суме 52 млрд 391 млн 154 тыс. 211,88 рубля. Выдаткі перавысілі даходы на 1 млрд 976 млн 89 тыс. 763,21 рубля, вынікае з дакумента.

17 ліпеня Лукашэнка падпісаў закон аб зацвярджэнні справаздачы Фонду сацыяльнай абароны насельніцтва (прыняты ПП НС 12 чэрвеня, ухвалены СР 30 чэрвеня). Даходы фонду склалі 36 млрд 225 млн 983 тыс. 950,51 рубля, выдаткі — 32 млрд 575 млн 514 тыс. 724,7 рубля, прафіцыт — 3 млрд 650 млн 469 тыс. 225,81 рубля.

Гл. таксама:

Палата прадстаўнікоў прыняла праект закона аб бюджэце ФСАН на 2026 год з прафіцытам у 519 млн рублёў