Рассельгаснагляд не даў увезці з Беларусі партыю ялавічыны без дакументаў

24 ліпеня, Позірк. Аб затрыманні каля 1 тоны ялавічыны, якая ўвозілася з Беларусі, паведаміла Федэральная служба РФ па ветэрынарным і фітасанітарным наглядзе (Рассельгаснагляд).

Пры аглядзе аўтамабіля, які перавозіў груз, былі выяўленыя “грубыя парушэнні ветэрынарна-санітарных патрабаванняў“, гаворыцца ў паведамленні. Удакладняецца, што мяса перавозілася без ветэрынарных і таварасуправаджальных дакументаў, на прадукцыі адсутнічалі кляймы ветэрынарна-санітарнай экспертызы. Акрамя таго, перавозчык “не змог назваць ні адпраўніка, ні атрымальніка грузу“.

Рассельгаснагляд праводзіць праверку “абставінаў незаконнага перамяшчэння падкантрольнай прадукцыі”. Узоры мяса накіраваны на лабараторныя даследаванні. Пасля атрымання вынікаў экспертызы будзе прынята рашэнне пра лёс грузу.