24 ліпеня, Позірк. Упраўленне па кантролі за замежнымі фінансавымі актывамі ЗША выключыла з санкцыйнага спісу кампанію BEL-KAP-STEEL (зарэгістраваная ў Маямі), вынікае з рэлізу ведамства.
Рашэнне не тлумачыцца.
Абмежаванні ў адносінах да таварыства з абмежаванай адказнасцю былі ўведзены ў 2023 годзе. Тады ж ЗША ўвялі санкцыі супраць ААТ “Беларускі металургічны завод — кіроўная кампанія холдынгу “Беларуская металургічная кампанія” (у BEL-KAP-STEEL належыць 50% доляў).
Па выніках апошняй сустрэчы з амерыканскай дэлегацыяй 19 сакавіка 2026 года ў Мінску Аляксандр Лукашэнка распарадзіўся вызваліць 250 вязняў, з якіх 235 было дазволена застацца на радзіме, а 15 вывезена ў Літву (частка ў далейшым накіраваліся ў Польшчу).
Усяго з удзелам Белага дома на волю выйшла больш за 400 чалавек, раней асуджаных па палітычных матывах. Узамен ЗША паступова здымаюць санкцыі з рэжыму Лукашэнкі.
У верасні 2025-га ЗША разблакавалі частку аперацый з авіякампаніі “Белавія”, а ў лістападзе — адмянілі санкцыі, якія дзейнічалі ў дачыненні да яе.
У снежні таго ж года ЗША дазволілі правядзенне аперацый з прадпрыемствам “Беларуськалій” і Беларускай калійнай кампаніяй, а ў сакавіку 2026-га — знялі з іх абмежаванні, таксама дазволілі аперацыі з удзелам “Белінвестбанка”, “Белінвест-Інжынірынгу”, “Белбізнеслізінгу” і арганізацыямі, у якіх тыя маюць долю мінімум 50%.
