Падраздзяленні МНС ліквідавалі наступствы непагадзі ў Гродзенскай і Мінскай абласцях

9 ліпеня, Позірк. Рэгіянальныя падраздзяленні Міністэрства па надзвычайных сітуацыях ліквідавалі наступствы непагадзі ў Гродзенскай і Мінскай абласцях.

Паводле звестак прэс-службы МНС, “з прычыны праходжання навальнічнага фронту і ўзмацнення ветру, парывы ​​якога дасягалі 18 м/с, у Гродзенскай вобласці ратавальнікі 12 разоў аказвалі дапамогу ў распілоўцы і ўборцы паваленых дрэў з праезных частак аўтамабільных дарог”.

Адзначаецца, што дапамога МНС спатрэбілася ў васьмі раёнах рэгіёна і абласным цэнтры.

З-за непагадзі ў Мінскім і Маладзечанскім раёне Мінскай вобласці было “зафіксавана два выпадкі падзення дрэў”.

Ніхто не пацярпеў.

Паводле звестак Белгідрамета, на тэрыторыі краіны з-за чаканых навальніц на 9 і 10 ліпеня аб’яўлены жоўты ўзровень небяспекі.