Грамадзянка Беларусі вызваленая з цэнтра анлайн-махлярства ў М’янме

8 ліпеня, Позірк. Грамадзянка Беларусі вызваленая з цэнтра анлайн-махлярства ў М’янме і пераведзеная ў міграцыйны цэнтр горада Мьявадзі, паведамляе ТАСС са спасылкай на таксама вызваленую расіянку Ганну Л.

Грамадзянка РФ была вызваленая 6 чэрвеня з ашуканскага кол-цэнтра на тэрыторыі М’янмы пры садзейнічанні расійскіх дыппрадстаўніцтваў у Бангкоку і Янгоне, МУС Расіі, праваахоўных органаў М’янмы і Тайланда. Пакінула М’янму 7 ліпеня, калі яе перадалі расійскім дыпламатам на тэрыторыю Тайланда.

Ганна Л. паведаміла, што цяпер у міграцыйным цэнтры ў Мьявади знаходзіцца каля 50 чалавек, якія чакаюць дэпартацыі, у тым ліку дзяўчына з Беларусі, якая звязваецца з амбасадай сваёй краіны ў В’етнаме. Яе імя не называецца.

У кастрычніку 2025 года ў М’янме знікла 27-гадовая беларуска Вера Краўцова, якая, паводле паведамленняў прадстаўнікоў Міністэрства замежных спраў, першапачаткова добраахвотна выехала ў Тайланд. Пазней расійскія СМІ паведамілі, што бацькі дзяўчыны атрымалі ліст аб тым, што яна памерла ў М’янме ад сардэчнага прыступу і была крэміраваная ў вёсцы Пхлу.

Аляксандр Лукашэнка наведваў М’янму, дзе кіруе хунта, у канцы лістапада 2025 года і на пачатку ліпеня 2026-га. Ці абмяркоўваліся падчас візітаў названыя выпадкі, невядома.