Урад павялічыў планы пастаўкі з стабфондаў гародніны і садавіны ў гандлёвыя сеткі і знізіў для сацсферы
29 красавіка, Позірк. Аб’ём плодаагародніннай прадукцыі, якая пастаўляецца са стабілізацыйных фондаў для дзяржаўных патрэб у міжсезонны перыяд 2026-2027 гадоў, складзе 147,16 тыс. тон — на 1,1% менш, чым у папярэднім перыядзе (148,78 тыс.), паведамляе прэс-служба Савета міністраў.
Для гандлёвых сетак прадугледжана 111,57 тыс. тон (110,84 тыс.; +0,7%), устаноў сацыяльнай сферы — 35,59 тыс. (37,94 тыс. -6,2%).
Агулам у стабфонд плануецца закласці:
бульбы — 59,69 тыс. т (58,85 тыс.; +4,2%);
белакачаннай капусты — 22,36 тыс. т (23,92 тыс.; -6,5%);
сталовых буракоў — 9,71 тыс. т (8,42 тыс.; +15,3%);
сталовай морквы — 15,44 тыс. т (14,77 тыс.; +4,5%);
рэпчатай цыбулі — 14,96 тыс. (16,03 тыс.; -6,7%);
яблыкаў — 25 тыс. т (26,81 тыс.; -6,8%).
“Аб’ёмы закладкі ўдакладняліся з аблвыканкамамі і Мінгарвыканкамам з улікам яе фактычнай рэалізацыяй (расходу) у бягучы міжсезонны перыяд 2025/2026 года і папярэдніх прапаноў, атрыманых ад арганізацый гандлю на міжсезонны перыяд 2026/2027 года“, — падкрэслена ў прэс-рэлізе.
Стабілізацыйныя фонды тавараў — гэта запасы харчавання (бульба, гародніна, садавіна), якія фармуюцца паводле рашэння Савета міністраў для забеспячэння бесперабойных паставак у гандаль і грамадскае харчаванне, асабліва ў міжсезонне.
