З 1 траўня бюджэт пражытачнага мінімуму вырасце на 2,5%

24 красавіка, Позірк. Бюджэт пражытачнага мінімуму (БПМ) у сярэднім на душу насельніцтва з 1 траўня па 31 ліпеня 2026 года складзе 509,62 рубля, паведамляе Міністэрства працы і сацыяльнай абароны.

З 1 лютага па 30 красавіка 2025 года БПМ роўны 496,96 рубля. Такім чынам, у сярэднім на душу насельніцтва БПМ вырасце на 12,66 рубля, або на 2,5%. Цяперашні БПМ вышэйшы за папярэдні (дзейнічаў з 1 лістапада 2025-га да 31 студзеня 2026-га) на 5,87 рубля.

Ад велічыні бюджэту пражытачнага мінімуму залежаць у тым ліку дапамогі сем’ям, якія выхоўваюць дзяцей, сацыяльныя пенсіі, павышэння і даплаты да пенсій для асобных катэгорый пенсіянераў, дапамогі па догляду за інвалідам першай групы альбо за асобай, якая дасягнула 80-гадовага ўзросту.

Паводле звестках ведамства, для працаздольнага насельніцтва БПМ у бліжэйшыя тры месяцы будзе складаць 554,4 рубля (534,91; +3,6%), пенсіянераў — 366,59 (360,75; +1,6%), дзяцей: ва ўзросце да 3 гадоў — 314,1 (308,1; +1,9%), ад 3 да 6 — 422,66 (414,55; +2%), ад 6 да 18 — 497,59 (489,9; +1,6%).

БПМ пераглядаецца чатыры разы на год: 1 лютага, 1 траўня, 1 жніўня і 1 лістапада.