Запазычанасць фізічных асоб па спажывецкіх крэдытах за год вырасла на 29,1%
1 кастрычніка, Позірк. У студзені — жніўні 2025 года банкі, што працуюць у Беларусі, выдалі фізічным асобам крэдытаў (у нацыянальнай і замежнай валютах) на 10 млрд 594,1 млн рублёў (тут і далей у эквіваленце) — на 0,3% больш, чым за аналагічны перыяд 2024-га (10 млрд 564,9 млн), сведчыць праведзены “Позiркам” аналіз даных Нацыянальнага банка.
Запазычанасць фізічных асоб па крэдытах на 1 верасня 2025 года склала 28 млрд 501 млн рублёў (год таму — 23 млрд 915,9 млн; +19,2%): па спажывецкіх крэдытах — 11 млрд 266,9 млн (8 млрд 727,9 млн; +29,1%), на фінансаванне нерухомасці — 17 млрд 199,5 млн (15 млрд 143,8 млн; +13,6%).
