Лукашэнка ўхваліў праект дагавора пра ўзаемнае прызнанне дакументаў аб навуковых званнях у ЕАЭС

31 ліпеня, Позірк. Аляксандр Лукашэнка ўхваліў у якасці “асновы для правядзення перамоў“ праект пагаднення аб узаемным прызнанні дакументаў аб навуковых званнях у краінах Еўразійскага эканамічнага саюза (ЕАЭС).

Згодна з падпісаным 31 ліпеня ўказам, перадае прэс-служба Лукашэнкі, перамовы па праекце даручана правесці ўраду.

Пасля ўзгаднення дакумента з іншымі дзяржавамі — членамі ЕАЭС Савету міністраў даручана яго падпісаць у “межах ухваленага праекта“.

17 кастрычніка 2023 года пастановай № 689 Савет міністраў скасаваў пагадненні з урадам Украіны аб узаемным прызнанні і эквівалентнасці дакументаў аб адукацыі і навуковых званнях.