Пры валцы лесу ў Быхаўскім раёне загінуў мужчына

11 снежня, Позірк. У Быхаўскім раёне (Магілёўская вобласць) падчас расчысткі ляснога ўчастка загінуў вальшчык лесу, яго прыціснула дрэвам, паведамляе Следчы камітэт.

Гэта адбылося 11 снежня, загінуламу было 56 гадоў.

“Цела мужчыны без прыкмет жыцця выявілі калегі. Яны пачулі, што яго піла працуе на халастых абаротах, а напарніка нідзе не відаць”, — гаворыцца ў паведамленні.

На месцы здарэння працавала следча-аператыўная група.

Быхаўскім раённым аддзелам СК па гэтым факце праводзіцца праверка. Высвятляюцца абставіны здарэння.

Гл. таксама:

У Баранавіцкім раёне мужчына загінуў падчас расчысткі лесу ад паваленых дрэў